Pamakal Pasindring!!! Hie Sa Suah Kadinung Wurung Ku?

Takam Maanyan - Hang tumpuk Pasindring Tetu, kecamatan Utap Kabupaten Barito Barat.

pamakal ( antuh ai ngaran ni Amah Utuh ) rahat abut, wurung Siung ni sa haraga rarang salenga wawai teka kurungan. Nelang wurung Siung ni na tamasuk raja langka daya tau ngalut lengan ulun, "salamat kariwe salamat kamalem" eau wurung ni. ajaib angneh (aku yakin, warga OBAMA na pasti pasuah kadinung wurung sa tau bapaner).

Singkat kisah, balalu pamakal ngumpul katuluh warga Pasindring hang balai desa, maksud pamakal na nimpan nunti, gere naan kahaba informasi wurung siung ni sa wawai ru. Balalu pidato pamakal, eau ni "Salamat kaiat kuan tangke tawari wanga amirue tawang katuluh warga bantai tercinta, hie naun hang ina sa naan wurung?", dami udi paner pamakal palus mindri kuan upuan balai desa, tamasuk hi Inur sa ba daster nelang tabal gincu (mun kamalem hi Inur na ngaran ni hi Nurdin).

Dami kuan upuan galis mindri, balalu ralat Pamakal, eau ni "eh maaf, maksud ku hie naun hang ina sa suah kadinung wurung?", palus mindri katuluh wawei hang balai desa. Palus ralat pamakal lagi, eau ni "eh hala, maksudku hie hang ina sa suah kadinung wurung sa puang wurung darangan ni?", palus mindri sakitar 10 kaulun wawei., Sakalini na ralat lagi daya pamakal, eau pamakal "huhureh kaliri, maksudku hie sa suah kadinung wurung ku? "salenga mindri 5 kaulun waweian, hanye palus tampekung pamakal itah panawa kaluar balai desa daya dinung ni darangan ni mait balok tawudien ma wuang balai desa. . .

Read More

Nganup !! Tika Wawa, Luwang Para, sekak Kakau Amiwunut

Takam Maaanyan - Alkisah ndri alkisuh ne :...

Tawuk sadi naan ulun lepuh nganup wawui... hmpe wuang jumpun bujur ngkus ngkes hinra eau lengan wawui dami hanye ngantara salenga nyuge hinra dinung ni hg kapit iwungkur wungkur sakitar 10 repe tk hnye....

sadang wawui ru nadap hanye sadang pd tampusing ni nyalak mkai duha... blu salenga ngaransaiii buuu... tumang wawui ru... hanye nempat nyantete ninung dasar selesai kunu ni....kude hnye bingung hang awe sa wuah jalak ni dea pauweng taru tunrung anri pauweng batan neang duha ru tingkit hg kakau ami wunut (bari tapih)... dami hnye negei teteai duha la ilujau neang nyameh naan enguh ereh ha inun sa wangun kunu ni....

Dami sa na tuhi wuntung wawui ru hanye pa tuhi siwer wewer tuu ni sapanjangan sanai wawui ru... agit sa jalak ni ru pas hintek wawui ru ilanga hanye tangar asuk duha ru tika wawa palus sekak tebus ma luwa para palus tingkit hg kakau amiwunut...

He'e sakalinya ni lh ...meh nu... haaaaaah....

Read More

Hi Atak Pasiar Ma Bali

Takam Maanyan - Edisi libur weekend .Hi Atak Luntung santai ma Bali. Gaya pda sameh turis manca negara. wulu pirang, salawar ime, baju pantai ngantung papan ski (uneng mangkading).

Singah ma restaurant. kulik kawi - kawan naan 1 meja baya bule maharung. kunu Atak ina hengau na. maharung blu mesen roti pda (sameh hengau) hg lapeh.

Huan sawat paner ekat sawung rimut ekat katuk ulu blu ngaheng nguta roti. sinrah nyuput blu blu luupp... nyusup wuang ranu uut.. Hi Atak nguka kacamata riben, hengau ni pda nguka blu sameh maleleng mate nelang ipanutui... "Maanyannnnn...hanyu na!!!"

gkkkk...

Mat Harming, slm 1 rimut !

Read More

Asal Usul JIN Basahabat Andri Murunsia

Takam Maanyan - Pas rahat Murunsia ngulah ume tiba tiba dunia na iyalah rume barat ang barat uran ang uran nanam ni, jadi tiba2 hulet ulun samatan wala nyeiru JIN.

Balalu jin iru bapaner andri murunsia isarahat ngulah ume, eyau

Jin               : bujur sahanyu na rama akal,daya hang dunia na aq ti sapaling kuat.
Murunsia     : ha bujur sa aq na rama akal,kode akal qu iru patanan hang lewu.
Jin               : amun kahie alap akal no iru aq ngandrei hang ina,mun puang hanyu kuta qu.
murunsia     : ada aq takut dami aq ngalap akal qu teka lewu hanyu nempat paheei.
Jin               : seh puang sagar aq nempat,alap ai.

JADI...!!! Murunsia na kia2 kolik2 mawading,kia2 kolik2 mawading, balalu eyau ni Ada jin puangkuharap hannyu ngandrei nyata nempat hanyu na...???

Jin                : amun hanyu paharap huruk aq. balalu jin ngukui kawan wakai mandra wakai kawan uwei tuwu,iri eyauni teka murunsia awet aq na.
Murunsia      :balalu murunsia ngawet jin iru hang kakau mangaris sa ekat wangun wala,jadi haot jari awet ni bulutuntini teka jin Garak jin..,???
hanye dami Jin ipetek hampeang sunah gagijut.
Jin               : ari murunsia alap akal no haot,puang sagar aq na nempat.
Murunsia     : Ari nanuh Jin hanye iri sangaran ni AKAL.

Balalu murunsia nien ngaluar wadiung sambil kaeyau inon aheng no wunu qu hanyu...???

balalu eyau Jin ada, ampun aq mangakui akal murunsia lapas aq, aq bajanji aq akan selamanya mangapdi andri murunsia.
maka teka kejadian iru takam murunsia na rama tau basabat andri JIN.

SEKIAN DAN TERIMA KASIH.

Read More

30+ Saran ma Wawei Galau

Takam Maanyan - Naan aku uweng hengau wawei isa.. dami ku maradu.. ganyah sa galu nyalah ni..
Balau aku nyantete bulu sa nunti.. wah inun hanyu diang nyalah ni maungut raerai..

Singkat kesah blau wawei ru curhat.. aku na galau eyau ni.. bangaran dami aku mamikir kwan hengau saangkatan bya aku.. haut galis uras narangan ekat aku erai sa lagi huan.. miaan sa aku..

 

Bujur parlu galau pang mun kaiye.. dya inun mun wawei umur 30+ haut puang uweng kajut wahai pilihan ada terlena balalu diye ni baran eh asal narangan.. lau tunti ku lagi.. uweng sa hanyu pacar... puang uweng.. puang uweng sa cocok lagi eyau ni.. padahal pandrasaku hene upu sa sini bya hye.. dya lumayan segah jua pang wawey yena..

 

Mun iyuh aku nganyu saran ada sa sangit eyau ku :

1.    Ada mapidi

2.    Ada baharap upu sa sempurna menurut hyu dya pang uweng ulun sa sempurna

3.    Ada menutup diri

4.    Mun haut yakin kahaba upu sa pas ada egois..

5.    Hakun narime andri segala kekurangan ni.. ad talau baharap..

6.    Rejeki nun masam akan mairingi lalan welum takam

Cukup kairi ae sa na usahakan pasti kaiyuh jodoh..

Read More

Tu’u Lunga ! Bupati Jari ‘KEU’ Hang Pameran Lukisan

Takam Maanyan - Alkisah, pak Bupati baya rombongan rahat ninung pameran lukisan. Pak Bupati ni haut matueh, paninungan ni agak rawun mun puang bakacamata. Pas tuu andrau pameran ru kacamata ni patanan hang lewu eh rujab (lain rumah jabuk). Tapaksa ai ajudan ni mendampingi hang tuhi nimpan tau ngarawah Pak Bupati sa ang bangat hawas paninungan. 

 

Bulu keliling2 lah rombongan here. "ew sa kaeh ni gamar bidawang yiri" eau bupati, palus tuing ajudan ni "maaf Pak, yiri lain gamar bidawang, yiri lukisan gamar wuah". "ha heeh" eau bupati. Udi hie tulak here ma lukisan lain, "heheh kaeh ni gamar wiyuang yiri" eau bupati lagi, balalu keneh ajudan ni "maaf Pak, iri lain gamar wiyuang, yiri gamar Singa".

Akhir ni rombongan here hampe hujung ruang pameran, "dinung naun katuluh, kaeh ni gamar Keu yiri" eau pak bupati nelang nutui ma pipik. Hanye galis mariang wawa kuan anggota rombongan bupati nien. Bagamat ajudan ni nyandriet palus ikeneh ma silu bupati, eau ni "maaf pak bupati, yiri lain lukisan gamar keu, yiri saramin" 

Langit Merah Kirmizi > ‎PERKUMPULAN DAYAK MA'ANYAN

Read More

Malaing!! Avanza Nebu Warga, 20 Ulun Luka Parah

Takam Maanyan - Ariai ninung berita hang TV, mobil Avanza nebu warga, 20 ka ulun luka parah wuah hebu. 

Malaing!! Avanza Nebu Warga, 20 Ulun Luka Parah

Pas na tunti Polisi supir ni kalawe kejadian ni, bulu jawab supir " rem mobil ku tiba2 rusak, daya aku pahakun panebu andri mobil lain balalu aku ba rencana mambanting mobil ku ma kawi atau ma kawan. 

Nah, hang tuhi kawi naan 2 ka ulun takia , hang tuhi kawan naan ulun ganyah pesta perkawinan , menurut bapak Polisi, mun ganyah situasi sameh aku na ma arah awe sa harus na tuju? ", bulu jawab Polisi, ma tuhi kawi, daya korban ni lebih sedikit, ekat rueh ka ulun".

Eau supir ru lagi "nah, kaliru sa na lakukan ku awuk iru pak Polisi, aku nebu ma tuhi kawi, na arah 2 ka ulun ru". Balalu eau polisi lagi "mun kaliru daya inun sa korban ni hampe 20 ka ulun?",

Jawab supir ru "kaliti kisah ni pak Polisi, ganyah aku ma tuhi kawi ngunu nebu 2 ka ulun ru, eh isa ni malah nempat ma uneng ulun kawinan ru, bulu sasah ku nebu"

Langit Merah Kirmizi

Read More

Aku na hi Neni Sabinti, Aku na muneng hang puput Nunuk

Takam Maanyan - Tabe salamat kamalem matakam katuluh duwa, aku ngaheng bakesah butit. gere kesah ku na tau jari pelajaran ma takam katuluh.

‪#‎upu_hamen_wawey#

Jaman dahulu naan upu ngaran ni hi ‪#‎Numet# upu ina muneng hang jumpun haket, hnye na raerai hang jumpun. Dami lawah maka lawah hnye bapikir kai gantara wawui ma jumpun sa hnye puang kataru, hnye sa kia-kia ma tawan jumpun haket ru... pas wuah dinung ni wawui nganyak anak.

Hanye nyasah wawui iru hampe tawak ma arah sa puang hnye kenal.. pas hnye istirahat hang putut nunuk singa naan dinung ni wawey sah matan segah nelang sah mawinei iyah bidadari. hi numet na balalu babungkat hingka paharungan ni. hanye padah dami kadinung wawey iru balalu yantete. eyau numet hiye sah ngaran nu dan hang awe sah hanyu muneng. wawey iru padah manjawab : aku na hi neni sabinti aku na muneng hang putut nunuk sa uneng nu tariye nien..

hi numet padah rip rip takut gana hanye sah ngantuh k'iru. pas hanye mamikir mungkin wawey ina alah inun sah manusia....

‪#‎sekian#

Isa Harmayo Upu Lana

Read More

Ngaran Sesuai Andri Kejadian Awuk Lahir

Takam Maanyan - Erang kaulun iya hang suku pedalaman rahat bakisah andri amah ni. 

Eau iya ru nunti "Mah, iuh sa aku nunti pi hi Amah?", jawab Amah ni "iuh tuu, nungaran sa na tunti nu?", eau iya ru "daya inun ngaran2 ulun hang suku takam na aneh2, nyelah ngaran amah kan hi Riwut Barat , balalu ngaran kakah hi Ampeng Kelat, iru daya inun Mah? jawab Amah ni" oh iru, ngaran ulun hang suku takam ru na ulah sesuai andri kejadian awuk ulun ru lahir. Sameh aku, ngaran ku Riwut Barat daya awuk aku lahir sadi ganyah riwut barat hang tumpuk. 

Kalie pada kakah nu, awuk kakah nu lahir sadi ganyah ampeng kelat, maka ni ngaran kakah nu hi Ampeng Kelat, faham sa Nak?" jawab Iya ni "hiai Mah, faham aku". 

Udi hie bapaner lagi amah ni "mun kalie , daya ina haut kamalem, ware takam mandre, nimpan hanyu kuuni ada malandau amuan, salamat kamalem anakku “Kondom Bocor"

Langit Merah Kirmizi > ‎OBAMA (Obrolan Bahasa Ma'anyan)

Read More

Babujur na! “Bapaner tiba panguta Maanyan sa susuk hang lela” Sadi hampe itati

Takam Maanyan - Selera ulun Maanyan na niba makuta puang iuh kilah, pasti ekat panguta Khas Maanyan jua sa paling rasuk hang lela, mun naan jenis masakan lain sa rasuk selain panguta khas Maanyan hanye ru masakan Banjar, ialah Soto, Karih Manu, Paisan Patin gangan Asam, atawa Manu Masak Merah. Di luar iru biar sa tau nguta kude puang sa rauh kakela ngingkam panguta khas Maanyan.

 

Kude itati, daya gana kamajuan jaman bulu hene ala masam masuk tumpuk. Teka Masakan Batak, Manado, Padang ( lain padang rikut ) hamper masakan luar negeri Ayam Goreng Pret Ciken. Mun mambahas pret ciken nien ( awat na koreksi
basing sa panai basa inggris ) dasar sa puang tapikir jaman sadi, ha suba mambayang taun 80an atawa 90an sadi, mun naan ulun ngaguduh manu dasar sa kihi ulun erang kabantaian budas. Kude itati haut biasa ulun , teka tahu, tempe, teung, sejak bayam gin na gaguduh ( kude hampe itati pasuah pang rengeiku ulun ngaguduh ranu patei ). Biar bamasam kuan panguta luar na ada hampe balalu nyamawai panguta asli takam, kude syukurlah, salawah ina perhatiku sika tatap sa kuan panguta Maanyan sa paling favorit ulun Maanyan. Mun rahat hang acara Kebaktian, paling hinang sa wadi wawui kelah sabuk ulun daripada luen sa lain.

Nah, kalawe cara takam nimpan panguta khas takam Maanyan tau bersaing hang pasaran ( lain kuburan ) sameh panguta teka luar sa pada tau sukses hang uneng takam ? ina jari PR ma takam Maanyan, basing sa naan ketrampilan ngulah pakasem, wadi, salai pahiau, dll gere kiraku ku tau ngami piajar ma kuan lain nimpan sameh2 tau ngulah, mun perlu naan kelompok sejenis organisasi Ibu2 sa tau melatih papalusan mamproduksi.

Mun aku sini tuu pang mengembangkan kuliner Maanyan, kude keakal, katauen ekat handrakan teung. Suah yari aku eksperimen ngulah wadi manu, daya gana sini ngalut Dendeng Itik Amuntai sa terkenal ru. Dami mandru balalu kuta kami erang kalewuan, ew arai tetangga kami sa bawarung tuhi lewu, kelah budas Enterostop hang warung ni wuah borong ☹ Suah jua hengauku hang Facebook iwara pi aku bahwa hanye sukses eksperimen ngulah sate teka karungkung bidawang. Asal ni aku paharap, daya penasaran balalu tantang ku ngapung ma lewu ni sini ninung sate karungkung bidawang nien, ha apung eau ni nelang ngami alamat ni. Balalu apungku, udi nunti sana-sini bulu habaku lewu ni

Kude nyelah sunyi hindra lewu, ekat naan Mama ni. Tuntiku ma Mama ni "purumisi Ma, bujurlah ina lewu wat Utuh Rarapau ( ngaran hengau Facebook ku ru )? Jawab Mama ru "hiai, bujur daken, kude hanye rahat mahi hang lewu", tuntiku lagi "ma awe hanye Ma?", jawab Mama ni "la atu ....ganyah control bulanan, palus ngalap obat rutin teka dokter penyakit jiwa. Mun naan kuan hengau hang OBAMA na naan kreasi kuliner Maanyan, awat na posting ma ina, nimpan takam tau melestarikan kuliner takam, salamat kamalem

Langit Merah Kirmizi > ‎OBAMA (Obrolan Bahasa Ma'anyan)

Read More

TIPS Ngusir Mamu Makai Wua Salak

Takam Maanyan - Berhubung itati mulai hene lagi wabah penyakit menular daya mamu, maka perlu nanam ni memposting hal ina.
 

Ina Cara alami mengusir mamu Dan puang menggunakan bahan kimia berbahaya :

1. Alap wua salak sa mihak, mangkal gin puang malu, sa penting puang salak alatan teka tetangga, mun wua alatan emah sa malah magin kikit mamu hene ( wuang tahanan Polsek)
2. Kupas kudit wua salak nien ( bagian sa warna coklat basihi ru )
3. Udi na upah kudit ni balalu taati naan lunek ni, upah lagi lunek wua salak ni na ( iuh langsung konsumsi atau na pansuk baya rangi )
4. Dami udi na upah lunek ni balalu ekat tasisa diki ni ai
5. Kumpul kuan diki ni, buat ma baskom halus, nah diki ni na sa pakai ngusir mamu nien, mun naan mamu hawi palus pedak makai diki salak 

Demikian Tips teka aku, semoga bermanfaat ma takam katuluh, selamat penah andrau

Langit Merah Kirmizi > ‎OBAMA (Obrolan Bahasa Ma'anyan)

Read More

Kisah Telu Pangahengau

Takam Maanyan - Here telu na akrab bahengau, ngaran ni hi Utuh, Jajung anri Mamus. Hi Utuh na kabalujuran tapintar hingka hi Jajung & Mamus, ka ayuh lulus sakulah teknik, bagawi jari teknisi hang perusahaan tambang batu bara. Hi Jajung anri Mamus babaya lulus SD, here rueh gaha puang mamai kelas, mawule paajar, aur tuli, rapui bakaleker anri baambung gamar, jari gawian here rueh uma ulun matuehni ngume. Udi masi, here hene kaayuh parei, nelang haraga weah mamai, udi na ari hene jua iuh duit labih.
 

Eau mamus ma Jajung, ware tarueh nuntut Utuh pi Banjar, ngingkam muneng hang hotel palus pi mall & ma diskotik, hampan takam ada talau kesah anri Utuh.

Kisah Telu Pangahengau

Singkat kisah hang hotel, here batelu erang kamar, wuah pintangan lantai suei. Udi gagaur ma mall iwilanja pama punra, ist hang kamar. Sekitar jam 11 kamalem, rami rengei here eau musik, bung beng angtaru. Eau Utuh iru eau musik hang diskotik. Ha, eau Jajung anri Mamus ware takam mayaru, nganue gratis.

Udi masuk ruang diskotik hang lantai dasar, bujur rami ulun bajoget, hi Jajung anri Mamus na sika kawauhen ulun, kahenean ngile para kala joget dangdut hang tumpuk. Basa erang jam, eau Jajung anri Mamus kompak nuntut Utuh taduh, mulek pi kamar. Eau here rueh uyuh haut Tuh bajoget. Eau Utuh, samula naun rueh bahimat ngile para nyasuai irama musik wansit, haawe angaan nangalis hewuk. 

Balalu hi Jajung anri Mamus ngusul ma Utuh pausah mamai banda napiuk balalu hampe amau, takuten matei listrik, angkeng hang penah. Here satuju mamai mitah tangga. Hampan angaan inam ma amau nuju lantai suei, here batelu mupakat babagi bakisah, tangga pertama hampe lantai telu hi Utuh bakisah tiba kisuh, hingka tangga lantai epat hampe enem Jajung bakisah sedih & hi Mamus kisah ulun sangit.

Angaan inam udi Utuh bakisah, hampe lantai epat, kairu pada udi Jajung bakisah hampe lantai pitu, nelang kai metak riu mate karengei kisah sedih Jajung. Pas giliran mamus, sampat bingung, eauni, ari silaka, kunsi kamar lelek hang ruang diskotik. Eau Utuh, hulu naun rueh minau pi ime ngalap ni, aku palus ma amau. Tapaksa Jajung nengau Mamus minau pi ime. Haut hampe ime, eau mamus, Jung, kunsi kamar ru huweku pi kantong salawar Utuh. Balalu hawi panyangit Jajung, samula ngaran Mamus, uras gawian tiba mamus, mudai Utuh rimut2 ma amau. Sahut Mamus, samula hanyu nunyu aku ngulah kisah hampan ulun sangit.

Khristiano > ‎PERKUMPULAN DAYAK MA'ANYAN

Read More

Fakta Unik (lain anak iwek) teka Murunsia

Takam Maanyan – Na Baca !!!
 

1.  Takam puang kaiuh kadinung silu takam mun puang makai saramin

2.  Takam puang kaiuh nilap hujung hiku tangan takam

3.  Murunsia puang tau mihewuk amun lela ni nakaluar

4.  Naun mansuba nomor 3 nien

6.  Ariai naun sadar , bahawa itatian budas naun mihewuk mirip antahu ... Hhhhhh

7.  Naun rarimut hampe puang karasa bahwa nomor 5 ni mahi

8.  Naun mulai isek andri sa ampun postingan........

Wadi wawui wadi wawui wadi wawui wadi wawui wadi wawui wawui wadi wawui wadi wawui wadi wawui........

9.  Naun mawule mambaca tulisan " wadi wawui " hang amau ri hampe luput daya gana haut mulai peda urusan wadi eleh hang Perdama

10.              Daya naun mawule mambaca tulisan wadi wawui hang amau ri , balalu naun pakarasa , bahwa puang ekat tulisan wadi wawui ai hang iru , kude naan terselip ngaran asli salah satu calon gubernur kalteng sa ariai pilkada andrau hie

11.              Naun mansuba ngantilau ngaran cagub nien hang wuang tulisan wadi wawui

12.              Ariai naun sadar , bahwa ngaran cagub kalteng memang mahi hang wuang tulisan wadi wawui ru

13.              Naun haut mulai bapanyangit andri sa ampun postingan

14.              Naun balalu ngantuh hang wuang atei" awas hanyu Langit Merah, die balasku "

15.              Sa ampun postingan offline dulu takut wuah pedak bata mitah facebook

Langit Merah Kirmizi > ‎PERKUMPULAN DAYAK MA'ANYAN

Read More