Jakarta !!! Panalu Jua Aku Andri Sasameh Maanyan

Takam Maanyan - Naan ulun Maanyan wau 6 wulan muneng hang Jakarta, daya ariai muneng bulu hanye huan karasa informasi hie2 sa Maanyan lain sa pada muneng hang Jakarta. Daya kasungu tuu bapaner andri ulun Maanyan , balalu hanye uyuh ngantara seputaran Jakarta hie sa Maanyan ( awuk iru huan uweng hape andri Facebook ).

Daya pakahaba budas kuan Maanyan, balalu naan cara haba ni nimpan panalu ulun Maanyan. Tiap hanye hang wuang Bis, hang Pasar, hang Terminal atau hang lalan sa hene ulun ni, bulu antuh ni kalina "lunga nelang rapui hanyu ri", iru tarus antuh ni, kude cuek bebek ai ulun.

Sakitar 2 wulan hanye praktek kaliru, suatu andrau hanye ganyah mindri hang iring lalan ngandrei Bis. Balalu antuh ni" lunga nelang rapui hanyu ri ", salenga tegam bubu ulun hang pungung ni teka wading hampe pajungkalak hanye ma muka, ganyah hanye wuah bubu ru sawat rengei ni lengan ulun " hanye hanyu iri sa lunga rapui". Dami udi hanye tumang palus mindri hanye nelang babalik ma wading, dinung ni upu sa mubu pungung ni nien magun nantarang wangkunung, palus ikup ni upu iru nelang ngantuh "heeh arai ku duwa, akhir ni panalu jua aku andri sasameh anak Maanyan"

Langit Merah Kirmizi > ‎PERKUMPULAN DAYAK MA'ANYAN