Rahman.... Kam Tu Sudah Kalas 6 SD, Sudah Ganal

Takam Maanyan - Hi Udin, pangari sayur teka Kalua, kaiat subuh haut ma Tamilayang lepuh ba arian sayur. Sekitar Mungkur Kandangan, balalu rengei ni herau Ibu2 "Man, hadang satumat", balalu tarie hi Udin hang muka lewu ulun sa nerau ru. Nelang maradu kuan sayur ni, hi Udin ngandrei sayur ni na widi.

Sakitar 5 menit udi hie, bulu ma eau lagi Ibu2 teka wuang lewu "Man, sarapan dulu", bulu jawab Udin "inggih Bu ai, ulun sudah tadi di Kalua, sarapan Paliat lauk hundang Ganal". Sakitar 10 menit udi hie, bulu ma eau lagi Ibu nien, eau ni "baju tu di rapii dulu, kancingi babujur Man ai, tu resleting salawar jua tabuka". Huhureh kunu Udin ulun ina, sarewet matan kai iwidian". Balalu ampirapi Udin pama pakaian ni, dami hanye memperhati resleting salawar ni dasar sa bujur, resleting ni tauka, ariai hanye kaitung, hang Daerah Jaar nien hanye amini hang pingir lalan, rupa ni puang hanye kaitung ngansing ni. Tamam Ibu ina sa hampe memperhati resleting salawar ni kunu wat Udin.

Puang lawah udi hie, bulu maeau lagi Ibu nien, eau ni "sudah siapkah Man?", jawab Udin, "inggih Bu ai, sudah dari tadi ulun nunggu pian, bisa dilakasi sadikit lah, ulun handak ka Pasar Dayu nah pagi ni".

Puang lawah udi hie, kaluar teka wuang lewu nien Ibu andri anak ni upu babaju saragam SD "eau Ibu ru pi anak ni" Rahman.....Rahman.... ikam tu sudah kalas 6 SD, sudah ganal, kada usah sampai disuruh2 mun handak tulak sakulah tu, dangar kada ikam !!!".

Puang lawah udi hie, penu pangah natat lewu iru pedak Udin makai kuan sayur.